Para sa manggagawa

Sumali sa network ng KuyaYos

Skills mo. Sched mo. Choice mo.

Para sa mga manggagawa sa Quezon City. Isa ka bang tubero, aircon technician, karpintero, electrician, atbp? Libre sumali. Secure ang kita at bayad mo.

---

Paano mag-apply

1. Sagutan ang apply form. Pumunta sa apply page. Mga 2 minuto lang. Tatanungin namin ang skills at specialty mo, ilang taon mo na ginagawa, saang areas ang serbisyo mo, at kung meron, ang training o certificate (TESDA, NC, COC, PRC).
2. Ire-review namin. Aaralin ng KuyaYos team ang mga binigay na details at references. Mag-rereply kami sa loob ng 5 business days.
3. Babalikan ka namin. Kapag pumasa ang application, mag-mememessage o tatawagan ka namin para mag-usap. Aalamin namin ang experience mo, standard price at quotes mo, at paano mo hina-handle ang common na sitwasyon.
4. Mag-submit ng requirements. Kapag approved na, mag-submit lang ng valid NBI clearance at government-issued ID para i-verify at ma-activate ang profile mo.
5. Kasama ka na sa network. Pag-activate ng profile mo, makakatanggap ka na ng booking matches sa areas na pinili mo.

Libre mag-apply. Libre rin manatili sa network. Walang membership fee, walang upfront na bayad.

Paano ma-book sa customer

1. Customer booking. Makakatanggap ang KuyaYos ng job details at photos mula sa customer. May ₱500 visitation fee ang bawat booking.
2. Matching. Ibibigay ng coordinator ang trabaho sa manggagawang available at sakto ang skills o specialty sa job details.
3. Confirmation. Matatanggap mo sa Messenger ang details ng customer, location, job description, at photos. I-confirm mo kapag sakto ang sched at trabaho para sayo.
4. Site visit. Pupunta ka sa site, tingnan ang trabaho, at iko-confirm ang final price sa customer. Dapat nasa loob ng KuyaYos published range ang trabaho. Nasa pricing page ang listahan.
5. Tumuloy o hindi. Kapag na-approve ng customer ang presyo, magsisimula ang trabaho. Kung hindi, tapos na ang booking. Bayad sa oras at biyahe mo ang ₱500 visitation fee.
6. Payment thru KuyaYos. Magbabayad ang customer ng balance sa KuyaYos. HINDI mo kailangan tanggapin o i-collect ang bayad mula sa customer.

Paano ka babayaran

Pagkatapos ng trabaho at confirm ng customer:

• Bayad ka sa loob ng 3 business days. Via GCash o direct bank transfer.
• Walang bawas sa kita mo. Ang price na binigay mo ang matatanggap mo. Hiwalay ang commission ng KuyaYos. Kasama na yun sa price na binayad ng customer, hindi binabawas sa kita mo.
• Hiwalay ang materials. Sa KuyaYos magbabayad ang customer para sa materials base sa quote at receipt/s mo.

Aasahan namin sa’yo

• Valid NBI clearance. Update every 2 years.
• Sariling tools at equipment para sa specialty mo.
• Dumating sa tamang oras. Kung may delay, message agad sa customer at sa KuyaYos team.
• Mag-quote sa loob ng tamang KuyaYos published range.
• Kung hindi safe ang site o hindi mo kaya ang trabaho, pwede mong tanggihan on-site. Iyo pa rin ang visitation fee.
• Respeto. Maayos na pakikitungo at confidential ang mga detalye ng trabaho’t customer.
• Materials sa fair market price. I-submit ang receipts kapag kailangan.

Aasahan mo sa KuyaYos

• No-show protection. Bayad ang ₱500 visitation fee mo kapag (1) na-cancel sa loob ng 2 oras bago ang appointment, (2) na-dispatch ka na, o (3) no-show ang customer. Bayad sa oras at biyahe mo.
• Backup dispatch. During emergency, mag-message agad sa KuyaYos team. Magdi-dispatch ng bagong technician na walang additional fee sa customer. Ang madalas na pag-abuso sa last-minute cancellations ay makakaapekto sa KuyaYos network standing mo.
• Force majeure. Para sa PAGASA signal 2 pataas, lindol, government-mandated lockdown, o iba pang force majeure: reschedule o refund lahat ng booking. Walang sapilitang trabaho. Priority ng KuyaYos ang safety mo at ng bawa’t isa.
• Dispute support. Kapag may problema, mag-message agad sa KuyaYos team para matulungan ka namin. Mag-iimbestiga at papakinggan ka, hindi lang ang customer. Mag-submit ng report at documentation (hal. photos, videos, receipts). Mag-rereply ang KuyaYos team sa loob ng 48 hours.
• Reviews at standing. Makikita mo ang matatanggap na review at feedback ng bawat completed booking. Consistent positive feedback = mas maraming booking. Madalas na reklamo o negative feedback ay makaka-apekto sa standing mo. Pwede ka mag-respond sa feedback na natanggap mo.

Dapat malaman

• Quezon City pa lang ang coverage ng serbisyo namin. Lalawak ‘to habang lumalaki ang network natin.
• Walang membership fee, walang application fee, walang upfront na bayad. Libre sumali, libre manatili.
• I-share ang standard budget at price ng trabaho mo pag mag-uusap tayo. Pero on-site, dapat nasa loob ng KuyaYos published range ang final price.
• Independent ka at hindi empleyado ng KuyaYos. Responsibility ng bawa’t isa ang sariling buwis, insurance (kung applicable), training, at trade-specific certificate.
• Ang buong operational terms ay nasa Terms & Conditions. Ang booking-specific terms ay nasa Cancellation & Payment Policy. (Both in English.)

May tanong ka bago mag-apply?

Message lang sa Messenger, email sa [email protected], o chat sa Viber. Mag-rereply kami sa loob ng 1 business day.

Skills mo. Sched mo. Choice mo.